Binit Thakur, Mithilakshar, Tirhuta Script, Maithili letters, Maithili Varnamala, Maithili Literature, Maithili Kavita, Maithili Geet, Maithili Sahitya, Maithili Poet, Maithili Poems, Maithili songs, Oldest Maithili Script, Mithila, Own script of maithili language.

बदलल ओकर विचार

लिखिकऽ हमर ओ नाम  दिल सँ मिटा देलक
सभटा छल ओकरे खेल खाक मे मिला देलक

बचपन के हमर ओ प्रीत भगेल   छल   सियान
लाल फूल गुलाब मे हँसैत छलीह वनि ओ चान
बसन्त  मे  दिल  के  दूरी  पतझर  बना  देलक

दिल मे दिल के बसेरा सुन्दर ओ परी मे रानी
कहैत छल हमर प्रीत  गंगा के निर्मल  पानि
कोना ईन्द्र धनुष बनि ओ लाली चोरा लेलक

ओकरे  सजाकऽ नयन मे  करैत  छलहुँ  दुलार
ई  केहन  मजबुरी जे  बदलल  ओकर  विचार
चुपचाप महल मे बैसल जीवन नैया डुबा देलक

Binit Thakur, Mithilakshar, Tirhuta Script, Maithili letters, Maithili Varnamala, Maithili Literature, Maithili Kavita, Maithili Geet, Maithili Sahitya, Maithili Poet, Maithili Poems, Maithili songs, Oldest Maithili Script, Mithila, Own script of maithili language, Mithila Bihari Nagarpalika, Dhanusha

मैथिली साहित्य...Maithili Sahitya...विनीत ठाकुर...Binit Thakur...Maithithili letters

चर्चा पूरे गाम मे

कहीँ भऽ नहि जाइ सजना अहाँक प्रीत मे पागल
सगर राति हम रहैत छी अहिँ के याद मे जागल

छायल अछि दिल–दिमाग मे  अद्भुत  प्रेमक  रंग
बुनैत मिठगर सपना झूमि सदिखन अहीँक संग
लगाकऽ अहीँ  नामक  मेंहदी  बैसल छी हाथ  मे
आविकऽ  सजादिय ने सेनुर  अहाँ हमर माथ मे

होइते  अपन   प्रीतक  चर्चा  पूरे   गाम–घर  मे
देखियौ भेलहुँ कोना बदनाम  सभ के नजरि मे
आब अहीँ पर टिकल अछि जीवनक हमर आश
भरि दिय हमर जीवन मे फूलक नवीन  सुवास

मैथिली साहित्य / Maithili Sahitya / विनीत ठाकुर / Maithili letters / Mithilakshar / Maithili letters

 

Maithili ... Maithili Script ... Mithilakshar Script .... Tirhuta Script ... Maithili Kavita

निहुछल जमाइन

सम्पतिया के  कनियाँ  भेल  गामक  गिरथाइन
घोघे   तर   सँ   हमरा    बनेलक   ओ    डाइन
एक त  ओहिना यौ बाबु छी  दुःखक  झमारल
सधवा परलोक चलिगेल समय सँ छी हम मारल

केहन गुमाने सँ मातल छै मौगा सम्पतिया
जँचबै नहि  डाक्टरी मे  दुःखिया  लडि़कवा
सदिखन ढुँइस लड़े  हमरा सँ करैया काइन
फेक  जाइया  अंगना मे निहुछल जमाइन

कहे धामी बजाकऽ  बीच पञ्चैती मे तोरा
सभक   सामने   पीठपर   बरसेवौ   कोड़ा
पञ्च मुखिया के मुह मे बसै छै  भगवान
करत सही निर्णय या लेत अवला के जान
Maithili / Maithili Script / Tirhuta Script / Maithili Alphabets / Top Ten oldest script

Mithilakshar script...मिथिलाक्षर लिपि...तिरहुता लिपि...Tirhuta Script...मैथिली कविता...Maithili Poem

घर मे पैसल बिलरा

खोलि कऽ सुटुक्क दऽ केवारी घर मे पैसल बिलरा
असगर    लागे   हमरा   डर  आब  उठाउ   ककरा

सैँया  गौना  करा कऽ  अपने  चलिगेल  विदेश
लागे  अजीव  सन  बिलरा  के  भुलकल   केश
कोना बरतन हरबरा कऽ सिक पर झुले झुलरा

हमर छोटकी ननदिया माने  नहि  एकोटा बतिया
मुँह फुला कऽ सुते दोसर घर मे  लगाकऽ  खटिया
बाहर  कतेक   नीन  मे  सुतल   नहि  जागे  देवरा

बाहर पड़ोसनी खेलाइया कोना चिकरि कऽ भूत
ओ  जोर–जोर  सँ  मांगे   नव   जनौवा  के  सूत
साउस  असोरा पर सुतल मस्त  सुनैया  झुमरा

Mithilakshar Script / Tirhuta Script / Maithili alphabets / मिथिलाक्षर लिपि / तिरहुता लिपि 

Binit Thakur...Badlait Pariwesh...Maithili alphabets,,,Maithili Literature

चितचोर

खेलैया मोन संग झिझरी करैत झिकझोर
सखी गे के  चितचोर  केहन ओ  चितचोर

सखी गे नयन मिला कऽ ओ नयन मे समागेल
हमर दिल मे कोना कऽ  अपन  महल  बनागेल
चलैया  सदिखन  पकरि  हमर  आँचर  के कोर

ओ नहि आन नहि हम ओकरा लेल  विरान
लागे जनम–जनम के हमर जान  पहिचान
छै कि  ओकरे हाथ मे आब ई भाग्यक  डोर

सखिगे  चम–चम  चमकै  कोना पूरे  आकाश
जेना चाँन्दनी संग चान के सजल हो बरियात
होएत कि ओ  हमरो  देखैत  बनि  कऽ  चकोर

Maithili Script / Mithilakshar Script / Tirhuta Script / Binit Thakur / Maithili Sahitya / Maithili Kavita